Pleyeri seçin:
İlham Əliyev FIFA-nın prezidenti Canni İnfantino ilə görüşdü
Prezident İlham Əliyev FIFA-nın prezidenti Canni İnfantino ilə görüşüb.
Əvvəlcə FIFA-nın prezidenti xatirə hədiyyələrini və xüsusi olaraq hazırlanan, üstündə Azərbaycan Prezidentinin adı və soyadı olan topu dövlət başçısına təqdim edib.
İlham Əliyev COP29-da iştirak etdiyinə görə Canni İnfantinoya təşəkkürünü bildirib. Qonaq da öz növbəsində COP29-a dəvətə və bu mötəbər tədbirin yüksək səviyyədə təşkilinə görə dövlət başçısına minnətdarlığını ifadə edib.
Söhbət zamanı Azərbaycanda idmanın bütün növləri kimi futbola da göstərilən dövlət qayğısı qeyd olunub. Dövlət başçısı Canni İnfantinoya ölkəmizdə futbolun inkişafına verdiyi dəstəyə görə minnətdarlığını bildirib.
Görüşdə Azərbaycanla FIFA arasında uğurlu əməkdaşlığın həyata keçirildiyi məmnunluqla vurğulanıb, bu əməkdaşlığın gələcəkdə də davam edəcəyinə əminlik ifadə olunub.
Azərbaycanda FIFA-nın təşkilatçılığı ilə tədbirlərin keçirilməsi məsələsi müzakirə olunub.
Kopyalandı
#FIFA teqi istifadə olunub
- İran müxalifəti FIFA-nı milli komandaya qadağa qoymağa çağırır
- Azərbaycanlı əməkdaşlar dünya oyunlarında qalib oldular | Yeni idman xəbərləri
- Norveç Futbol Federasiyası FIFA prezidentinə qarşı şikayəti dəstəkləyib
- FIFA prezidenti İran millisinin dünya çempionatında iştirak etməsi üçün çalışır - Baku TV
- Hava məkanı bağlandı, İraq millisi FİFA-ya müraciət etdi
Seçilmişlər
