İlham Əliyev nəqliyyat sektorundan danışdı | Hansı şərait yaradılacaq?

“ASKON qurumunun yaradılmasında məqsəd nəqliyyat sektorunu vahid çətir altında bir platforma kimi yaratmaqdır. Çünki idarəetmədə müsbət dəyişikliklər baş verməsinə baxmayaraq, nəqliyyat qurumları arasındakı koordinasiya zəif idi”.

Bu sözləri Prezident İlham Əliyev yanvarın 7-də yerli televiziya kanallarına müsahibəsində deyib.

Bundan sonrakı illərdə Azərbaycanın həm əsas gəlir mənbəyini, həm də siyasi çəkisini gücləndirən amillərdən birinin nəqliyyat və bağlantılar olacağını vurğulayan dövlət başçısı əlavə edib:

“Əlbəttə ki, burada biz tam şəffaf və koordinasiya şəklində işlək mexanizm yaratmalı idik. Yükdaşımalarla bağlı bir çox misallar var, məsələn Xəzər Gəmiçiliyi üçün bir yükün daşınması daha sərfəlidir, dəmir yolu üçün başqa yükün daşınması. Ona görə də dövlətin marağına hansı yükün daşınması, necə daşınması sərf edirsə, ona da üstünlük verilməlidir”.