İlham Əliyev Xocavənd kəndində görülmüş işlərlə tanış olub - Baku TV
Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Arzu Əliyeva fevralın 25-də Xocavənd rayonunun Xocavənd kəndində görülmüş işlərlə tanış olublar.
Ağdam, Füzuli və Xocavənd rayonlarında Prezidentin xüsusi nümayəndəsi Emin Hüseynov dövlət başçısına və birinci xanıma kənddə həyata keçirilmiş sosial layihələr barədə məlumat verib.
Bildirilib ki, Xocavənd rayonunun eyniadlı inzibati ərazi dairəsinə daxil olan bu kənd 2023-cü ilin sentyabrında Silahlı Qüvvələrimizin antiterror əməliyyatı nəticəsində işğaldan azad edilib.
Burada ümumilikdə 278 fərdi ev var. Onlardan 128-i yararsız, 150-si isə qismən yararlıdır. Qismən yararlı evlərin 20-si artıq təmir olunub, bu il daha 130 evdə təmir işləri aparılacaq.
Bu ilin fevralında Xocavənd kəndinə 20 ailə – 94 nəfər qayıdıb. Cari ilin mart-dekabr aylarında kəndə daha 130 ailə – 533 nəfərin qayıtması planlaşdırılır.
Ötən müddət ərzində kənddə bir sıra sosialyönümlü işlər görülüb. Belə ki, 5 kilometr uzunluğunda daşıyıcı qaz xətti çəkilib, 1500 metr uzunluğunda mövcud xətt bərpa edilib. Bundan başqa, mövcud elektrik xətləri və 2 transformator məntəqəsi bərpa olunub.
Kənddaxili yollar asfaltlanıb, piyada yolları çəkilib. Hazırda bu istiqamətdə işlər davam etdirilir.
Görülmüş işlərlə tanışlıqdan sonra Prezident İlham Əliyev, birinci xanım Mehriban Əliyeva və qızları Arzu Əliyeva kəndə köçən Rizvan İbrahimovun evində yaradılmış şəraitlə tanış olublar və söhbət ediblər.
#İlham Əliyev teqi istifadə olunub
- Azərbaycan Prezidenti Ermənistandakı tədbirdə iştirak edəcək? - Nazir açıqladı - Baku TV
- Böyük Qayıdış prosesi daha sürətlə gedəcək | İlham Əliyev - 24 SAAT
- Xanabad kəndinə Novruz bayramınadək daha 110 ailə köçürüləcək - Baku TV
- Biz tarixi ədaləti bərpa etmişik | İlham Əliyev - Baku TV
- Zəfər tarixi qürur mənbəyimizdir | İlham Əliyev - Baku TV
