İlham Əliyevdən Ermənistana çağırış

“Fikir ayrılığının yeganə əsas müddəası onunla bağlı idi ki, Ermənistan Qarabağı rəsmən Azərbaycanın hissəsi kimi tanısın”.

Bunu Azərbaycan Prezidenti İlham Əliyev Çinin “China Media Group” media korporasiyasına müsahibəsində deyib.

“Artıq dediyim kimi, birincisi, onlar qeyd etməlidirlər ki, Qarabağ Azərbaycandır və indi isə onlar ikincini etməlidirlər: imzalamalıdırlar. Bundan sonra razılaşma əldə oluna bilər. Düşünürəm ki, ermənilər söylədiklərini yerinə yetirərlərsə və əgər bu, yenidən siyasi manevr və prosesi yubatmaq cəhdləri naminə ixtira edilən hekayət deyilsə, onda biz ilin sonuna qədər sülh müqaviləsini imzalaya bilərik. Bu, həqiqətən, mühüm geosiyasi amilə çevrilə bilər, uzunmüddətli qarşıdurmaya son qoyar. Qafqazda real sülh yaradar, bütün kommunikasiyaları açar”, – dövlət başçısı vurğulayıb.