İlham Əliyevin Laçına səfərindən səmimi görüntülər
Prezident İlham Əliyev Laçın rayonunun Sus kəndində görülmüş işlərlə tanış olub, kəndə köçmüş sakinlərlə görüşüb.
Laçın rayonunda Prezidentin xüsusi nümayəndəsi Məsim Məmmədov, Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev dövlət başçısına kənddə görülmüş işlər barədə məlumat veriblər.
Bildirilib ki, 1992-ci ilin may ayında Ermənistan Silahlı Qüvvələri tərəfindən rayon işğal olunan vaxt Sus kəndində 53 ailə – 203 nəfər yaşayırdı. Tamamilə yenidən tikilərək istifadəyə verilən kəndə ümumilikdə 59 ailə – 214 nəfərin köçürülməsi nəzərdə tutulur. Hazırda kəndə 20 ailənin (75 nəfər) köçürülməsi təmin olunub.
Diqqətə çatdırılıb ki, 25 hektar ərazini əhatə edən kənddə 13 ikiotaqlı, 28 üçotaqlı, 14 dördotaqlı və 4 beşotaqlı fərdi ev tikilib.
Kənddə 132 yerlik orta məktəb, 50 yerlik uşaq bağçası da inşa olunub. Sakinlərin asudə vaxtlarının səmərəli təşkili üçün istirahət parkı və müxtəlif uşaq meydançaları yaradılıb.
#İlham Əliyev teqi istifadə olunub
- İlham Əliyev Davosda Qətərin Baş naziri və xarici işlər naziri ilə görüşüb - Baku TV
- Prezident Davosda "BlackRock" və "Global Infrastructure Partners"in rəsmiləri ilə görüşüb - Baku TV
- Azərbaycan çoxsaylı tərəfdaşlarla yaxşı münasibətlər qurur | Prezident - Baku TV
- Serbiya Prezidenti İlham Əliyev barədə danışdı - Baku TV
- İlham Əliyev qonşu ölkələrlə olan iqtisadi əməkdaşlıqdan danışdı - Baku TV
