İlham Əliyev Qəbələdə Türk Dövlətləri Təşkilatının Baş katibini qəbul edib

Azərbaycan Prezidenti İlham Əliyev oktyabrın 6-da Qəbələdə Türk Dövlətləri Təşkilatının (TDT) Baş katibi Kubanıçbek Ömüralıyevi qəbul edib. Görüş zamanı Baş katib, ABŞ Prezidenti Donald Trampın şahidliyi ilə Vaşinqtonda Azərbaycan və Ermənistan arasında sülh gündəliyi ilə bağlı əldə olunan nəticələrə görə Prezident Əliyevə təbriklərini çatdırıb. Ömüralıyev TDT-nin beynəlxalq nüfuzunun artmasında və üzv ölkələr arasında əməkdaşlığın gücləndirilməsində Azərbaycanın dəstəyini yüksək qiymətləndirib. Söhbət zamanı, Qəbələdə keçiriləcək TDT Dövlət Başçıları Şurasının 12-ci Zirvə görüşünün əhəmiyyəti vurğulanıb. Sammitin əsas mövzusunun “Regional sülh və təhlükəsizlik” olacağı bildirilib, bunun Türk dünyasında dostluq, həmrəylik və tərəfdaşlığın möhkəmləndirilməsinə töhfə verəcəyinə əminlik ifadə olunub.əndirilməsi işinə töhfə verəcəyinə əminliyini ifadə edib. Söhbət zamanı ölkəmizlə təşkilat arasında əməkdaşlığın perspektivlərinə dair fikir mübadiləsi aparılıb.