İrəvan ermənisindən iddia: Qarabağ ermənilərinin xoş yola salınmağı hayları qıcıqlandırdı

İrəvanda yaşayan ermənilər Azərbaycanın Qarabağ iqtisadi rayonundan gələn soydaşlarını diskriminasiyaya məruz qoyurlar.

“Hazırda mən humanitar yardım topladığımız qarajdayam. Bildirmək istəyirəm ki, az əvvəl bir qrup erməni bizə hücum etdi və dedilər ki, “Qarabağ erməniləri cəhənnəm olsunlar buradan” və dava düşdü. Daha sonra baxın, polislər gəldi. Bizə – Qarabağdan gələn ermənilərə yardım göstərməyi qadağan edirlər”, – Qarabağdan gedən erməni sakin deyib.

Erməni mediasının məlumatına görə, İrəvanda yaşayan ermənilər Azərbaycan mediasına xoş müsahibə verən soydaşlarını ölüm və ağır cəza ilə hədələyirlər. Onu da xatırladaq ki, bir müddət əvvəl Ermənistan Baş naziri Nikol Paşinyanın Qarabağ ermənilərini paytaxt İrəvanda yerləşdirməmək barədə göstəriş verdiyi haqda məlumatlar yayılmışdı.