İzləri itirmək üçün... | Əli Nağıyev separatçıların qanunsuz əməllərindən danışdı

“İşğaldan azad edilən ərazilərdə aparılan qazıntıların və monitorinqlərin nəticəsində məlum olmuşdur ki, üçtərəfli bəyanatın imzalanmasından 2023-cü il sentyabr ayında həyata keçirilən antiterror əməliyyatına qədər olan müddətdə separatçı rejim tərəfindən Dövlət Komissiyasına və Beynəlxalq Qızıl Xaç Komitəsinə məlum olan bir neçə kütləvi məzarlıq məqsədyönlü şəkildə məhv edilib”.

Bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının sədri Əli Nağıyev “İtkin düşmüş şəxslər probleminin həlli: ailələrin həqiqəti bilmək hüququnun dəstəklənməsi” mövzusunda beynəlxalq konfransda çıxışında deyib.

O bildirib ki, buna misal kimi Xocavənd rayonu, Qaradağlı kəndi, Xocalı rayonu, Dəhraz kəndi və Ağdərə rayonunun Sırxavənd kəndində Dövlət Komissiyasına məlum olan məzar yerlərini göstərmək olar:

“Məlumdur ki, bu və digər kütləvi məzarlıqlar ermənilər tərəfindən törətdikləri müharibə cinayətlərinin izlərinin itirilməsi üçün məqsədyönlü şəkildə məhv edilib”.