Lavrov Türkiyənin artan nüfuzundan danışdı
"Türkiyə bizim mehriban qonşumuz və vacib tərəfdaşımızdır".
Bunu Rusiya xarici işlər naziri Sergey Lavrov mayın 10-da Moskvada keçirilən Rusiya, Türkiyə, Suriya və İran XİN başçılarının dördtərəfli görüşünün protokol hissəsində çıxışında bildirib.
“Biz son illər Türkiyənin beynəlxalq və regional nüfuzunun nə qədər artdığını görürük. Rusiya Türkiyə ilə ikitərəfli münasibətlərin genişlənməsinin və möhkəmlənməsinin tərəfdarıdır”, – deyə S.Lavrov qeyd edib.
S.Lavrov həmçinin ABŞ-nin yaratmağa başladığı “Azad Suriya Ordusu”nun məqsədini açıqlayıb: “Bizdə olan məlumatlara görə, amerikalılar Suriyanın Rakka şəhərinin ətrafında yerli ərəb qəbilələrinin nümayəndələri, İŞİD və digər terrorçu təşkilatların döyüşçülərinin iştirakı ilə “Azad Suriya Ordusu” yaratmağa başlayıb. Məqsəd bu döyüşçülərdən Suriyanın qanuni hakimiyyətinə qarşı istifadə etməkdir”.
Nazir bildirib ki, məlum məsələ dördtərəfli görüşdə müzakirə olunub və birgə fəaliyyət sxemi barədə razılığa gəlinib. “Ümid edirəm ki, bu istiqamətdə bütün lazımi addımlar atılacaq”, – deyə S.Lavrov əlavə edib.
#Sergey Lavrov teqi istifadə olunub
- İran Xəzər Konvensiyasını 2026-cı ilə qədər ratifikasiya edə bilər
- "Türkiyənin bununla bağlı öhdəlikləri var" | Lavrov rəsmi Ankaraya xəbərdarlıq etdi - Baku TV CANLI
- Rusiya NATO və Aİ ölkələrinə cavab verdi
- Dünyanın çoxqütblü olması artıq qaçılmazdır | Lavrovdan xəbərdarlıq
- “Xalqları qaçılmaz müharibəyə hazırlayırlar?” | Lavrov sülh planından danışdı
