Makrondan yeni Baş nazirə xüsusi tapşırıq | Münasibətlər daha da gərginləşir

73 yaşlı Mişel Barnye Fransanın yeni Baş naziri təyin olunub.

Yelisey sarayından verilən məlumata görə, Emmanuel Makron ona ölkəyə və fransızlara xidmət edən birləşdirici hökumət yaratmaq tapşırığını verib.

M.Barnye Respublikaçılar Partiyasındandır. E.Makron ona böyük ümidlər bəsləyir, yeni Baş nazir və hökumətin mümkün qədər sabit olacağına zəmanət verir.

Qeyd edək ki, Mişel Barnye 2021-ci ilin dekabrında Valeri Pekressi ilə birgə Azərbaycanın Qarabağ bölgəsinə qanunsuz səfər edib. Bu səfər V.Pekressi üçün Fransada prezident seçkilərində erməni seçicilərin səslərini toplamaq cəhdi idi.

Azərbaycan hökuməti bu səfəri ölkənin milli qanunvericiliyinin kobud şəkildə pozulması kimi qiymətləndirib və V.Pekressi ilə M.Barnyeni “persona non-grata” elan edərək onları qara siyahıya daxil edib.

Görünən odur ki, Fransanın yeni Baş naziri Yelisey sarayının qərəzli ermənipərəst mövqeyində heç nə dəyişdirməyəcək və Parislə Bakı arasında ikitərəfli münasibətlərdə pisləşmə tendensiyasını davam etdirəcək.