Məzahir Pənahovdan seçki ilə bağlı açıqlama | Proses getdikcə sürətlənir

Sentyabrın 1-də keçiriləcək növbədənkənar parlament seçkilərinə 806 nəfər namizədlik üçün müraciət edib.

Bunu Mərkəzi Seçki Komissiyasının (MSK) iyulun 19-da keçirilən iclasında MSK sədri Məzahir Pənahov deyib.

Sədrin sözlərinə görə, 532 nəfərin namizədliyinin irəli sürülməsi təsdiqlənib.

"451 nəfər imza vərəqləri alıb. 31 nəfər isə imza vərəqlərini qaytarıb. 4 nəfərin namizədliyi qeydə alınıb", – deyə M.Pənahov vurğulayıb.