Milli Məclisdən Ermənistana xəbərdarlıq

“Azərbaycan torpaqlarının bir hissəsi işğal olunarkən, Xocalı soyqırımı törədilərkən ABŞ Azərbaycana qarşı 907-ci düzəlişi qəbul edib. Bu o demək idi ki, ABŞ Azərbaycan torpaqlarının işğal altında qalmasını dəstəkləyir”.

Bunu Milli Məclisin deputatı Sahib Alıyev parlamentin noyabrın 21-də keçirilən plenar iclasında deyib.

“Beləliklə, biz bu siyasətin yenidən davam etdirildiyini görürük. Mən buradan Ermənistandakılara səslənmək istəyirəm. O toplum bundan öncəki xəbərdarlıqlara məhəl qoymamasının nə ilə nəticələndiyini unutmamalıdır. Onlar unutmamalıdırlar ki, 2 ay bundan əvvəl olduğu kimi yeni qarşıdurmaya gedəcəkləri halda nə Fransa, nə də digərləri onlara kömək etməyəcəklər”, – o vurğulayıb.