MN-nin nümayəndələri NATO-nun yüksək rütbəli zabitləri ilə görüşdü

Müdafiə Nazirliyinin nümayəndələri NATO-nun "Sülh Naminə Tərəfdaşlıq" proqramı çərçivəsində Niderland krallığının Brunsum şəhərində Müttəfiq Qüvvələrin Birləşmiş Komandanlığında ekspert-qərargah görüşü keçiriblər.

Bu barədə Komandanlığın "X" sosial şəbəkəsindəki rəsmi səhifəsində paylaşım edilib.

“Azərbaycan Müdafiə Nazirliyinin beynəlxalq əməkdaşlıq şöbəsinin nümayəndələri son illərdə hərbi əməkdaşlığın praktiki aspektlərini qiymətləndirmək və gələcək üçün planları müəyyən etmək üçün Müttəfiq Qüvvələrin Birləşmiş Komandanlığı, Avropa Müttəfiq Qüvvələrinin Ali Qərargah Komandanlığı və NATO-nun Beynəlxalq Hərbi Qərargahından olan həmkarları ilə görüşüblər.

Bu cür tərəfdaşlıq NATO-nun fəaliyyəti üçün çox vacibdir. İki tərəfdaş arasında dialoq, eləcə də hərbi əməkdaşlıq davam edəcək”, – deyə paylaşımda qeyd olunub.