Siyasət
Pleyeri seçin:
MSK bələdiyyə seçkiləri ilə bağlı iclas təyin etmədi | Səsvermə olmayacaq?
Azərbaycanda 2024-cü ildə bələdiyyə seçkiləri keçirilməyəcək.
“Report” xəbər verir ki, Mərkəzi Seçki Komissiyasının bu günə, yəni noyabrın 1-nə iclası təyin edilməyib.
Seçki Məcəlləsinin 213-cü maddəsinə uyğun olaraq digər seçkilərdən fərqli olaraq bələdiyyə seçkilərini MSK təyin edir.
Bundan əvvəlki bələdiyyə seçkiləri hər 5 ildən bir dekabrın 23-də keçirilib. Sonuncu bələdiyyə seçkiləri 2019-cu ildə keçirilib.
Seçki Məcəlləsinin 8-ci maddəsinə uyğun olaraq Azərbaycanda seçkilər səsvermə gününə ən azı 60 gün qalmış rəsmi dərc edilir.
Bununla da belə qənaətə gəlmək olar ki, 2024-cü ilin sonuna qalan təqvim günlərini hesabladıqda bundan sonra elan ediləcək bələdiyyə seçkisi 2025-ci ilə təsadüf edəcək.
Kopyalandı
Seçilmişlər
