Müdafiə naziri türkiyəli 5 hərbi qulluqçunun şəhid olması ilə bağlı Yaşar Gülərə başsağlığı verdi
Müdafiə naziri general-polkovnik Zakir Həsənov Türkiyə Respublikasının milli müdafiə naziri Yaşar Gülərə başsağlığı verib.
Bu barədə Müdafiə Nazirliyindən məlumat verilib.
“Pençe-Kilit antiterror əməliyyatı bölgəsindəki əməliyyat-axtarış tədbirlərində 2022-ci ilin 28 may tarixində terrorçuların açdığı atəş nəticəsində şəhid olmuş Türkiyə Silahlı Qüvvələrinin bir nəfər zabitinin nəşinin axtarışı zamanı cari ilin 6 iyul tarixində mağarada metan qazından təsirlənən 19 türk hərbi qulluqçusundan 5 nəfərinin şəhid olması xəbəri məni dərindən kədərləndirdi.
Sizin acınız bizim də acımızdır. Terrora qarşı aparılan qəti mübarizədə daima qardaş Türkiyə Silahlı Qüvvələrinin yanındayıq və sizi var gücümüzlə dəstəkləyirik.
Şəhid olmuş qəhrəman türk əsgərlərinə rəhmət diləyirəm, onların yaxınlarının dərdlərinə şərik olur, ailələrinə dərin hüznlə başsağlığı verirəm. Müalicə olunan hərbi qulluqçulara isə tezliklə sağalmaları üçün Allahdan şəfa diləyirəm. Allah rəhmət eləsin”, ‒ deyə başsağlığında qeyd olunub.
#Türkiyə Ordusu teqi istifadə olunub
- Türkiyənin quru qoşunlarına qarşı dayana bilmərik | İsrailli polkovnikdən açıqlama
- Türkiyənin dünyaya səs salan ən uzaqmənzilli raketi təqdim edildi
- Təcili: İraqın şimalında şəhid olan türk hərbçilərin sayı artdı
- Türkiyə Ordusu itki verdi | İraqdakı əməliyyat barədə detallar üzə çıxdı
- İraqın şimalında türk əsgərləri həlak oldu
