Parlamentdə Polşa Prezidentinə etiraz | Bu hərəkətə aydınlıq gətirilsin!
“Polşa Prezidenti kimi təcrübəli bir adamın düşünülməmiş addım atması hər kəsdə təəssüf və təəccüb doğurur”.
Bunu Milli Məclisin deputatı Aydın Mirzəzadə Polşa Prezidenti Andjey Dudanın Azərbaycan-Ermənistan şərti sərhədində Avropa İttifaqının Ermənistandakı müşahidə missiyasının Polşadan olan heyəti ilə görüşməsinə münasibət bildirərkən deyib.
Millət vəkili Polşa Prezidentinin bu addımına etiraz edərək vurğulayıb:
“Niyə Polşanın birinci şəxsi Fransanın, Niderlandın, Kanadanın, Hindistanın Azərbaycana qarşı vaxtaşırı apardığı çirkin kampaniyaya qoşulmaq qərarına gəlib? Polşa tərəfinin bu məsələyə aydınlıq gətirməsini istəyərdik. Eyni zamanda Azərbaycana qarşı tərəddüdlü mövqe tutan digər dövlətlər də bilməlidir ki, Azərbaycanın müstəqil daxili və xarici siyasəti var.
Dost olanlarla dostuq. Bizə qarşı münasibəti soyuq olanlara ona müvafiq addım atırıq”.
#Polşa teqi istifadə olunub
- Polşa NATO qüvvələrinin Ukraynada yerləşdirilməsinə qarşı çıxıb
- "26 fevral qardaşlığı”: Bu silahların mümkün müharibədə təsir gücü nədir? | HƏRBİ XRONİKA
- "İranı tərk edin!" | Polşanın Baş nazirindən həmvətənlərinə təcili çağırış - Baku TV CANLI
- Rusiyadan təzminat tələbi Zaxarovanı özündən çıxardı - Baku TV
- Polşada güclü yağan qar həyatı iflic etdi
