Paşinyan buna görə hərəkətə keçdi | İrəvanda ara qarışır

Qarabağın erməni separatçıları İrəvandakı fəaliyyətlərini aktivləşdiriblər.

Separatçılar bu dəfə 2023-cü ilin sentyabrında Azərbaycanın keçirdiyi antiterror əməliyyatından sonra fəaliyyəti dayanan “Artsax TV”nin fəaliyyətini bərpa edirlər.

Keçmiş qondarma respublikada “ombudsman” olan Geqam Stepanyan da artıq yayılan məlumatı təsdiqləyib.

O, TV-nin fəaliyyətini kiçik komanda ilə davam etdirəcəyini bildirib. Televiziyanın fəaliyyətini davam etdirməsində əsas məqsədin Qarabağ ermənilərinin identikliyini saxlaması, Qarabağ ermənilərinin dialektinin qorunması olduğu vurğulanıb.

Qeyd edək ki, Qarabağın erməni separatçıları Baqrat Qalstanyanın etirazları fonunda aktivləşiblər. Lakin Nikol Paşinyan administrasiyası buna cavab olaraq dərhal hərəkətə keçib. İndiyə separatçılardan olan 3 “mer” saxlanıb, eləcə də separatçıların son lideri Samvel Şahramanyanın avtomobilləri müsadirə edilib və haqqında cinayət işinin başladılacağı xəbərləri yayılır.