Paşinyan sülhə hazırlaşır?

“Ermənistanın yeni Konstitusiyası xalqla qanuni nizam arasında hüquqi əlaqə yaratmalıdır”.

Bunu sentyabrın 23-də “Ermənistanın Demokratiya Forumu”nda çıxışı zamanı bu ölkənin Baş naziri Nikol Paşinyan deyib.

Onun sözlərinə görə, Ermənistan əhalisi hazırkı Konstitusiyanı heç vaxt dəstəkləməyib.

“Heç Konstitusiyada qeyd olunanlar da insanlar arasında populyarlıq qazanmayıb” deyən N.Paşinyan bildirib ki, Ermənistanda qüvvədə olan Konstitusiya və qanuni nizam xalqın ürəyincə deyil.

Ermənistanın Baş naziri N.Paşinyan qeyd edib ki, müasir reallıqlarla ziddiyyət təşkil edən başqa qanunlar da var. Həmin qanunlar Osmanlı imperiyası, Sovet İttifaqı və Rusiya tərəfindən qəbul edilən qaydalara oxşayır.

N.Paşinyanın fikrincə, Ermənistanın gündəliyində duran və həlli vacib olan əsas məsələ məhz budur: Konstitusiyanın dəyişdirilməsi.

Qeyd edək ki, Ermənistan Konstitusiyasında ərazi iddiaları yer alıb. Bakı ilə sülhün əldə olunması üçün isə bu problemlər aradan qaldırılmalıdır.