Paşinyanın bu sözləri erməni deputatı özündən çıxardı | Varlığımız sual altına düşür…

Ermənistan Parlamentinin “Ermənistan” fraksiyasının deputatı Artur Xaçatryan sərhəd demarkasiyası komissiyalarının iclasında çıxış edib.

Deputat Ermənistan Baş naziri Nikol Paşinyanın avqustun 31-də keçirdiyi mətbuat konfransı çərçivəsində bir sıra tezislərə etirazını bildirib.

Xüsusən Baş nazirin “Azərbaycanla sərhədin cəmi 40-50 metrliyində yerləşən Kirants kəndinə gəlmək və burada məktəbin açılışında iştirak etmək tamamilə təhlükəsizdir” sözləri deputatı dəli edib.

Buna cavab olaraq A.Xaçatryan çıxışı zamanı N.Paşinyanı tənqid məqsədilə bu sözləri deyib:

“Sərhəd məktəbdən bir neçə metr aralıdadır və N.Paşinyan gedir, deyir ki, heç vaxt bu qədər təhlükəsiz olmayıb. Onun məntiqini rəhbər tutmaq çox gülüncdür. Necə yəni, türklər nə qədər yaxın olsa, bir o qədər yaxşıdır? Daha keçib, sərhədi İrəvandan keçirin, görün nə qədər təhlükəsiz olacaq”.

Qeyd edək ki, Kirantsdakı delimitasiya prosesini Ermənistan üçün böyük uğur adlandıran N.Paşinyan çıxışı ilə müxalifətin qəzəbinə tuş gəlib.