Prezidentin Şuşada keçirilən beynəlxalq konfransın iştirakçılarına məktubu

Prezident İlham Əliyev Şuşada keçirilən “Türk Dövlətləri Təşkilatı: geosiyasi reallıqlar və qlobal kataklizmlər fonunda yeni strateji hədəflərə doğru” beynəlxalq konfransın iştirakçılarına müraciət ünvanlayıb.

Mətndə xarici güc mərkəzlərinin təsiri və müdaxiləsi ilə dünyanın müxtəlif regionlarında çoxsaylı qarşıdurmaların – etnik və dini zəmində münaqişələrin, siyasi konfrontasiyaların baş verməsi, xaos və anarxiya mühitinin yaranması ayrı-ayrı dövlətlərə və bütövlükdə beynəlxalq təhlükəsizliyə ciddi təhdidlər yaratdığı qeyd olunur.

Türk Dövlətləri Təşkilatında təmsil olunan ölkələr arasındakı münasibətlərin təhlükəsizlik və inkişafa xidmət edən önəmli amil olduğu vurğulanıb.