Qazlaşma barədə sevindirici xəbər | Baş nazir atılan vacib addımlardan danışdı

“Ölkə ərazisində qazlaşdırılma səviyyəsi 96,6 %-dir”.

Bunu Baş nazir Əli Əsədov parlamentin dekabrın 16-da keçirilən plenar iclasında deyib.

O bildirib ki, bu göstəriciyə görə Azərbaycan MDB və digər qonşu ölkələri qabaqlayır:

“Buna baxmayaraq, yerdə qalan 3,4 % abonentlərin təbii qazla təmin olunması üçün maliyyə imkanları çərçivəsində mərhələli şəkildə işlər görüləcək”.

Baş nazir qeyd edib ki, hazırda bu istiqamətdə hökumətin aidiyyəti qurumları yerli icra orqanları ilə müzakirələr aparır.

O, eyni zamanda vurğulayıb ki, paralel olaraq “İşğaldan azad olunmuş ərazilərdə qazlaşdırılma layihəsi” də həyata keçirilməkdədir.

“Naxçıvanda qazlaşmanın 100 % olmasına baxmayaraq, Türkiyə ərazisi ilə ikinci xəttin çəkilməsi ilə bağlı işlər yüksək səviyyədədir”, – deyə Ə.Əsədov əlavə edib.