"Caliber"in yeni süjeti erməni yaraqlılarına həsr olunub

“Caliber” layihəsinin “YouTube” kanalında yayımlanan yeni süjet Qarabağda Rusiya sülhməramlı kontingentinin arxasında gizlənən qanunsuz erməni yaraqlılarının sərsəm açıqlamalarının onlar üçün doğuracağı acı nəticələrə həsr edilib.

Müəllif Prezident İlham Əliyevin Laçında irəli sürdüyü konkret tezislərə toxunaraq vurğulayır ki, erməni separatizmi ilə məşğul olanlar tarixdən dərs almaq istəmirlər və görünür, mazoxizmə meyillidirlər.

Öz növbəsində müəllif ABŞ Dövlət Departamentinin mətbuat katibi Metyu Millerin Azərbaycan Prezidentinin Qarabağdakı separatçılarla bağlı amnistiya bəyanatına toxunub. Süjetdə qeyd olunur ki, ABŞ də Prezident İlham Əliyevin amnistiya ilə bağlı son açıqlamalarını alqışla qarşılayıb.

“Nədənsə bu açıqlamadan sonra separatçıların sərsəm iddiaları isteriya ilə əvəz edildi. Özü də bu isteriya təkcə Xankəndidə deyil, Nikol Paşinyanın komandasında da özünü büruzə verdi”, – deyə müəllif qeyd edib.