Qvadelupanın sakinləri Fransa əsarətində | Təmsilçi od püskürdü

“Qvadelupada apardığımız mübarizə çox ağırdır, çünki ölkəmiz hələ də Fransanın müstəmləkəçiliyi altındadır, içdiyimiz su belə zəhərlidir. Ümumiyyətlə, Qvadelupa xalqı daim ehtiyat içində yaşayır”.

Bunu Bakı Təşəbbüs Qrupu (BTQ) tərəfindən hazırlanmış “Fransanın Dənizaşırı Ərazilərində İnsan Hüquqlarının Pozulması Haqqında Hesabat”ın təqdimatına həsr edilən mətbuat konfransında Qvadelupa təmsilçisi, UPLG-nin baş katibinin müavini Floran Ali Meril deyib.

F.A.Merilin sözlərinə görə, Qvadelupada insan hüquqlarının qorunması və müstəqillik tələbinə Fransa repressiyalarla cavab verir:

“Çünki Fransanın müstəmləkə rejimi qvadelupalıların öz torpaqlarında normal yaşamasına və işləməsinə mane olmaq üçün hər şey edir. Təhlükəsizlik problemləri, içməli su çatışmazlığı, bahalı həyat, işsizlik, polis zorakılığı kimi hallar insanları ölkədən baş götürüb getməyə məcbur etmək üçün həyata keçirilir.

Ötən 60 il ərzində xalqın azadlıq, suverenlik və müstəqillik istəyinə qarşı Fransanın verdiyi cavab repressiya, rasizm və insan hüquqlarının inkarı olub. 2024-cü ilin son ayları olmasına baxmayaraq, Fransa işğalçı dövlət olaraq bu məsələlərin həlli üçün nəinki heç bir müsbət addım atmır, əksinə, fərqli səsləri boğmaq üçün əlindən gələni edir”.