Rusiya ağıllanıb geri addım atır? - Overçukdan Azərbaycanla bağlı kritik mesaj

Rusiya və Azərbaycan iqtisadi qarşılıqlı fəaliyyətin yaxşılaşdırılması üçün işləmək niyyətindədir.

Bunu jurnalistlərə Rusiyanın Baş nazirinin müavini Aleksey Overçuk bildirib.

"Biz Hökumətlərarası Komissiyanın iclasını keçirdik. Qeyd etdik ki, iqtisadiyyat sahəsində əməkdaşlığımız inkişaf edir. Rusiya ilə Azərbaycan arasında olan əməkdaşlıq iki ölkə üçün çox vacibdir. Biz bu münasibətlərin yaxşılaşdırılması üçün işləyirik", – o bildirib.

Qeyd edək ki, Azərbaycan-Rusiya Hökumətlərarası Komissiyasının sonuncu iclası 2025-ci il avqustun 22-də Həştərxanda keçirilib.

A.Overçuk Ermənistanın Rusiya ilə münasibətlərindən də danışıb. İrəvanın Avropa İttifaqı ilə yaxınlaşmasına diqqəti yönəldən Rusiya rəsmisi bildirib ki, Ermənistan Avrasiya İqtisadi İttifaqından çıxmaq və Avropa İttifaqına üzvlük qərarı qəbul edərkən bütün amillər nəzərə alınmalıdır.