Rusiyada Azərbaycanla aranı qarışdıran insanlar var? - Putin istəyir ki...
“Deməzdim ki, Rusiyada Azərbaycanla aranı qarışdıran insanlar var. Ənənəvi olaraq bizdə müəyyən diaspor lobbiləri var ki, onların gücü çox şişirdilir. Ən azından Ermənistanla heç nə edə bilmədilər. Paşinyan Türkiyə və Azərbaycanla yaxınlaşma xəttini davam etdirir və bu xətti, yeri gəlmişkən, Prezident Putin dəstəkləyir. Ümumiyyətlə, Rusiyada bu məsələ ciddi səviyyədə şişirdilmir. Rusiya hakimiyyətinin ümumi tonundan görürəm ki, onlar bu münaqişəni mümkün qədər tez həll etmək istəyir”.
Bunu rusiyalı jurnalist Maksim Şevçenko “Qafqaz Bürosu”na müsahibəsində deyib.
“Azərbaycanda qiymətləndirmə tonunu Azərbaycan Prezidenti müəyyən edir. Bu, daha ciddi məsələdir və təbii ki, Azərbaycan Prezidentinin nəinki haqqı var, həm də üzərinə düşən vəzifəni yerinə yetirir. Çünki Azərbaycan təyyarəsi faciəvi şəkildə qəzaya uğrayıb, Azərbaycan vətəndaşları həlak olub və məncə, bununla bağlı heç bir sual ola bilməz. Prezident Əliyevin verdiyi suallar fundamental əhəmiyyət kəsb edən milli təhlükəsizlik məsələləridir.
Həmişə Rusiya ilə Azərbaycan arasında yaxşı münasibətlərin tərəfdarı olmuşam. Buna əsaslanaraq və bütün problemləri bütövlükdə qiymətləndirsək, deyərdim ki, həllini tələb edən suallar yığılıb. Daha konkret desək, bu suallar prezidentlər səviyyəsində dialoq tələb edir, prezidentlərimiz arasında həmişə çox yaxşı şəxsi münasibətlər, çox gözəl dialoq olub”, – o bildirib.
#Rusiya teqi istifadə olunub
- İlham Əliyev Rusiya rəsmisini qəbul etdi | İrana qarşı plan | Hörmüzdə qalmaqal - YENİ BİR SƏHƏR
- İlham Əliyev Rusiya Hökuməti Sədrinin müavinini qəbul etdi | Nələr müzakirə edildi? - Baku TV
- Putin Xameneinin ölümü ilə bağlı Pezeşkiana başsağlığı verdi - Baku TV
- Ermənistan layihəsi yenidən əsl sahiblərinə qaytarılır? - ANALİTİK BAXIŞ
- Rusiya Azərbaycana görə Markovu sıxışdırır?
