Siyasət
Pleyeri seçin:
Şahin Mustafayev Əfqanıstan rəsmisi ilə görüşdü | Nələr müzakirə edildi?
Azərbaycan Baş nazirinin müavini Şahin Mustafayev avqustun 29-da Özbəkistanın Termez şəhərində Əfqanıstanın Baş naziri vəzifəsini icra edən Əbdül Qani Baradarla görüşüb.
Söhbət zamanı Azərbaycanla Əfqanıstanı tarixi və mədəni bağların birləşdirdiyi qeyd olunub.
İki ölkə arasında ticarət-iqtisadi və sərmayə qoyuluşu sahələrində əlaqələrin perspektivləri müzakirə edilib, müvafiq əməkdaşlığın genişləndirilməsi ilə bağlı qarşılıqlı maraq ifadə olunub.
Tərəflər həmçinin nəqliyyat-tranzit sahəsində əməkdaşlıq imkanlarını nəzərdən keçirərək “Lapis-Lazuli” beynəlxalq nəqliyyat dəhlizinin inkişaf etdirilməsinin önəmini qeyd edib, “Termez” Beynəlxalq Ticarət Mərkəzinin açılmasının Əfqanıstanla da ticarət-iqtisadi əlaqələrin genişləndirilməsinə töhfə verəcəyinə ümidvar olduqlarını bildiriblər.
Kopyalandı
Seçilmişlər
