Samvel Babayan Ermənistanın Baş nazirini ifşa etdi

“Ermənistan Baş naziri Nikol Paşinyan ölkədə Qarabağ erməniləri ilə iş üzrə ayrıca idarənin yaradılmasından imtina edib”.

Bunu özünü buraxmış qondarma rejimin keçmiş “Təhlükəsizlik Şurasının” katibi və sabiq “müdafiə naziri” olmuş Samvel Babayan deyib.

Jurnalistlərə müsahibə verən Babayan bildirib ki, Paşinyanın bu qərarının və imtinanın səbəbləri ona məlum deyil. Həmçinin onu da əlavə edib ki, bu məsələ ilə bağlı Baş nazirlə şəxsən əlaqə saxlamayıb.

Qeyd edək ki, Babayan noyabrın 29-da Ermənistan parlamentinin 44 günlük müharibəni araşdıran komissiyası tərəfindən dindirilib. Komissiyanın səlahiyyət müddəti 3 dekabrda başa çatacaq.