Seçkilərdə neçə beynəlxalq müşahidəçi iştirak edəcək? | MSK sədrindən açıqlama

Növbədənkənar parlament seçkiləri ilə əlaqədar qeydə alınan beynəlxalq müşahidəçilərin sayı açıqlanıb.

Bu barədə Mərkəzi Seçki Komissiyasının sədri Məzahir Pənahov bildirib.

O qeyd edib ki, 604 beynəlxalq müşahidəçi qeydə alınıb:

“ATƏT-in Demokratik Təsisatlar və İnsan Haqları Bürosundan 227 nəfər artıq bizdə müşahidəçi kimi qeydiyyatdan keçib. ATƏT-in Parlament Assambleyasından 61, MDB Parlamentlərarası Assambleyasından 34, MDB-dən 93, TÜRKPA-dan 16, Türk Dövlətləri Təşkilatından 10, Türkiyə Böyük Millət Məclisindən isə 17 nəfər akkreditasiyadan keçib”.