Sensasiya | Rusiya sülhməramlılarının Qarabağdakı komandanı Araikə nələr yazdı?

Öz korrupsiya keçmişi ilə ad çıxarmış Rusiya sülhməramlılarının Qarabağdakı komandanı Andrey Volkovla bağlı çox maraqlı məlumat yayılıb.

Belə ki, vaxtilə erməni mediası onu ermənilərdən rüşvət alaraq mal-qara və insan daşımaqda ittiham edirdi. İndi isə onun separatçıların keçmiş rəhbəri Araik Arutyunyana hədiyyələr göndərdiyi və məktub vasitəsilə təriflər yağdırdığı əks olunub.

Əvvəlcə onu qeyd edək ki, uzun müddət bank sektorunda çalışmış Araik tez-tez Qərb ölkələrini və Rusiyanı ziyarət edərək özünün və ağalarının pulları üçün etibarlı tərəfdaş axtarmaq istəyirdi.

A.Volkovun məktubundan aydın olur ki, Rusiya Araikin vaxtilə axtardığını elə onun öz ayağına göndərib. Qarabağa hərbi missiya üçün gəlmiş Andrey Volkov burada tamam ayrı mənzərə ilə qarşılaşıb. Görünür, rus general da əlinə düşən fürsətdən maksimum dərəcədə istifadə etmək istəyib və bunu bacarıb.

Yayılmış bu məlumatlar, şübhəsiz ki, rus komandanlığın xoş olmayan fəaliyyətindən xəbər verir. Bu həm də onu göstərir ki, ölkəmiz 44 günlük savaş və 23 saatlıq antiterror əməliyyatı ilə təkcə torpaqlarımızı azad etməyib, eyni zamanda qlobal bir cinayətkar şəbəkənin də varlığına son qoyub. Hansı ki, həmin qrup təkcə Azərbaycan torpaqlarını işğal altında saxlamırdı, eyni zamanda Ermənistan əhalisini də əsarətdə saxlayırdı.