Tbilisi ilə münasibətlərin Bakı üçün önəmi | XİN-dən Gürcüstanla bağlı paylaşım

Azərbaycan Gürcüstanda münaqişənin suverenlik və ərazi bütövlüyü prinsipləri əsasında, beynəlxalq səviyyədə tanınmış sərhədlər daxilində sülh yolu ilə həllini tam dəstəkləyir.

Bu barədə Azərbaycan Xarici İşlər Nazirliyinin “X” hesabında bildirilib.

Əlavə edilib ki, Azərbaycan Gürcüstanla sıx tərəfdaşlıq və mehriban qonşuluq münasibətlərinə böyük əhəmiyyət verir.

Xatırladaq ki, 2008-ci ilin avqustunda Rusiya ilə Gürcüstan arasında beşgünlük müharibə baş verib. Gürcüstan Cənubi Osetiyada nəzarəti bərpa etməyə çalışıb, Rusiya isə əks-hücumla yalnız Cənubi Osetiyaya deyil, Abxaziyaya da qoşun yeridib. Həmin ilin avqustunda Rusiya bu ərazilərin “müstəqilliyini” tanıyıb, beynəlxalq ictimaiyyət isə bu addımı işğal kimi qiymətləndirib.

Bu gün ‒ avqustun 8-də sözügedən müharibənin 17-ci ili tamam olur.