Təqaüd və sosial müavinətlərlə bağlı dəyişiklik | Prezident fərman imzaladı

Prezident İlham Əliyev sosial müavinətlərin, Azərbaycan Respublikası Prezidentinin təqaüdlərinin və fəxri adlara görə təqaüdlərin məbləğlərinin artırılması və bununla əlaqədar Azərbaycan Respublikası Prezidentinin bəzi fərmanlarında və sərəncamında dəyişiklik edilməsi haqqında Fərman imzalayıb.

Sənədə əsasən, 2025-ci il iyulun 1-dən bir sıra sosial müavinətlərin məbləğləri artırılıb. Eyni zamanda Azərbaycan Respublikası Prezidentinin təqaüdlərinin aylıq məbləğlərinə dəyişiklik edilib. Həmçinin Azərbaycan Respublikası Prezidentinin fərdi təqaüdünün məbləği 2025-ci il iyulun 1-dən 1700 manat müəyyən edilib.

Bundan başqa, fəxri adlara görə aylıq təqaüdün məbləği xalq yazıçısı, xalq şairi, xalq artisti və xalq rəssamı üçün 300 manat, əməkdar elm xadimi, əməkdar incəsənət xadimi, əməkdar artist və digərləri üçün 200 manata yüksəldilib.