Türkiyə və Özbəkistanın birinci xanımları Mehriban Əliyevanı təbrik etdilər - Baku TV

Türkiyənin birinci xanımı Əminə Ərdoğan Birinci vitse-prezident Mehriban Əliyevaya zəng edib. Əminə Ərdoğan Birinci vitse-prezident Mehriban Əliyevanı ad günü münasibətilə təbrik edərək ona möhkəm cansağlığı və yeni müvəffəqiyyətlər arzulayıb. Türkiyənin birinci xanımı Əminə Ərdoğan Mehriban Əliyevanın xeyirxah fəaliyyətinin dünyada böyük rəğbətlə qarşılandığını vurğulayıb. Azərbaycanın Birinci vitse-prezidenti göstərilən diqqətə və təbriklərə görə təşəkkür edib.

Özbəkistanın birinci xanımı Ziroat Mirziyoyeva da Birinci vitse-prezident Mehriban Əliyevaya təbrik məktubu ünvanlayıb.

"Qəlbi ən gözəl keyfiyyətlərlə, bənzərsiz zəriflik və sonsuz xeyirxahlıqla dolu olan sizin kimi bir insanla yaxın dostluğumu və səmimi münasibətlərimi son dərəcə dəyərli hesab edirəm. Sizin ictimai və dövlət həyatındakı çoxşaxəli fəaliyyətiniz təkcə Azərbaycanda deyil, bütün dünyada dərin hörmət və rəğbət qazanıb. Zərif qadın incəliyini və sarsılmaz iradəni özündə təcəssüm etdirən nurlu obrazınız Azərbaycan xalqının qürur mənbəyi, dövrümüzün layiqli və ruhlandırıcı qadınının parlaq nümunəsidir. Bu əlamətdar gündə Sizə möhkəm cansağlığı, ailə səadəti, rifah və firavanlıq arzulayıram", – deyə təbrik məktubunda qeyd olunur.

Rusiya Federal Məclisi Federasiya Şurasının sədri Valentina Matviyenko da Birinci vitse-prezident Mehriban Əliyevaya zəng edib. Rusiya Federal Məclisi Federasiya Şurasının sədri Azərbaycanın Birinci vitse-prezidentini ad günü münasibətilə təbrik edib, möhkəm cansağlığı və yeni uğurlar arzulayıb. Valentina Matviyenko Birinci vitse-prezident Mehriban Əliyeva ilə səmimi görüşlərini məmnunluqla xatırlayıb, onun Azərbaycan-Rusiya dostluq münasibətlərinin inkişafında rolunu vurğulayıb.