Siyasət
Pleyeri seçin:
Ukrayna İrandakı səfirliyimizə hücumu pisləyib
Ukrayna Xarici İşlər Nazirliyi Azərbaycanın İrandakı səfirliyinə silahlı hücumu pisləyib. Bu barədə ölkənin XİN-in mətbuat katibi Oleq Nikolenko bildirib.
“Ukrayna Azərbaycanın Tehrandakı səfirliyinə bu gün bir nəfərin ölümü və bir neçə təhlükəsizlik əməkdaşının yaralanması ilə nəticələnən hücumu qətiyyətlə pisləyir. Qurbanın yaxınlarına dərin hüznlə başsağlığı verir, yaralıların tezliklə sağalmasını diləyirik”, - deyə O.Nikolenko vurğulayıb.
Qeyd edək ki, yanvarın 27-də Bakı vaxtı ilə səhər saat 08:30 radələrində Azərbaycanın İrandakı səfirliyinə silahlı hücum olub. Hadisə nəticəsində 1 nəfər ölüb, 2 nəfər yaralanıb. Məlumata görə, Tehrandakı səfirliyimizə hücum edən şəxs saxlanılıb.
Kopyalandı
Seçilmişlər
