Ukraynalı siyasətçilər Azərbaycanı təbrik etdi

“Hazırda güclü Azərbaycan bu tarixi yolda müstəqlliklərini əldə etmək istəyən xalqlara tarixi nümunədir”.

Bunu Ukrayna Ali Radasının hakim “Xalqın Xidmətçisi” partiyasından olan deputatı Yuri Kamelçuk Azərbaycanın mütəqillik günü ilə bağlı təbrikində deyib.

“28 may 1918-ci ildə Azərbaycan birinci olaraq öz müstəqilliyini şərqdə elan etdi. Amma 2 ildən sonra Sovet İttifaqı Azərbaycanın ərazisini işğal etdi. Lakin Azərbaycan 1991-ci ildə yenidən öz müstəqlliyini bərpa edə bildi. Bu, öz müstəqilliklərini müəyyənləşdirən digər ölkələr, müstəqllikləri uğrunda mübarizə aparan bütün millətlər üçün bir nümunədir”, – deyə o əlavə edib.

Ali Radanın deputatı Yaroslav Yurçişin isə arzu edib ki, bundan sonra Ukrarayna-Azərbaycan strateji tərəfdaşlığı daha çox bəhrə versin.

Qeyd edək ki, mayın 28-də Azərbaycanda müstəqlliyin elan olunmasının 105 ili qeyd olunur.