Xocalı soyqırımına avropalı deputatlardan münasibət

Xocalı soyqırımının 32-ci ildönümü ərəfəsində faciə qurbanları ölkəmizin hüdudlarından kənarda da yad edilir.

Xüsusilə Heydər Əliyev Fondunun vitse-prezidenti Leyla Əliyevanın rəhbərlik etdiyi dünya üzrə "Xocalıya ədalət" kampaniyası erməni vəhşiliyinin dünyada tanınması istiqamətində mühüm rol oynayıb.

Ukrayna Ali Radasının hakim "Xalqın xidmətçisi" partiyasından olan deputatı Yuri Kamelçuk Baku TV-nin Şərqi Avropa bürosuna bildirib ki, vaxtında dünyanın Xocalı kimi soyqırımlarına hüquqi qiymət verməməsi bu gün onun vətəni Ukraynada yeni insani cinayətlərə yol açıb.

"Rusiyanın 2014-cü ildə Ukraynaya müdaxilə edib, 2022-ci ildə isə genişmiqyaslı müharibəyə başlaması dünyanın susqunluğunun nəticələridir. Bu, dünyanın ən böyük səhvi olub. Dünya susmamalıdır, Xocalı və digər yerlərdə törədilən cinayətlərə qiymət verilməlidir. Dünya təhlükəsizlik yanaşmalarını və insan hüquqlarının real müdafiəsini nəzərdən keçirmək, dövlət suverenliyinə hörmət etmək və sülhü təmin etmək barədə düşünməlidir", – Y.Kamelçuk vurğulayıb.

Qeyd edək ki, Ukrayna və Moldova mətbuatında Xocalı soyqırımı ilə bağlı yazılar dərc olunub.