Elektron Təhlükəsizlik Xidmətindən məlumat | Naməlum mənbədən gələn keçidlərə daxil olmayın

Kiberdələduzlar “Facebook” sosial şəbəkəsində müxtəlif adlarda saxta dələduzluq səhifələri yaradaraq bir çox şirkətlərin hesablarının silinəcəyinə dair həqiqəti əks etdirməyən məlumatlar paylaşırlar.

Bu barədə Elektron Təhlükəsizlik Xidmətindən bildirilib.

Qeyd edilib ki, sözügedən platformaya daxil olmaq üçün saxta keçidlər vasitəsilə istifadəçilərin giriş məlumatları tələb edilir. Məlumatlar daxil edildikdən sonra “Facebook” istifadəçilərinə məxsus hesablar ələ keçirilir.

Elektron Təhlükəsizlik Xidməti sosial şəbəkə istifadəçilərini bu kimi hallara qarşı diqqətli olmağa, tanımadıqları mənbədən gələn keçidlərə daxil olmamağa çağırıb.