250 milyon il sonra qitələr birləşəcək? | İnsanlar və heyvanlar...

250 milyon ildən sonra qitələr birləşəcək və bu, ciddi iqlim dəyişikliklərinə səbəb olacaq.

Superkontinent iqlimə “üçqat zərbə” yaradacaq. O, planeti təbii soyutma effektindən məhrum edərək qurunun böyük hissəsini okeanlardan ayıracaq.

Günəş daha parlaq olacaq, bu da temperaturu 2,5 faiz artıracaq və karbon qazının səviyyəsi aktiv vulkanik proseslər hesabına artacaq, istixana effekti yaranacaq.

Bristol Universitetinin alimlərinin apardığı yeni araşdırmada o da bildirilir ki, yeni torpaq konfiqurasiyası 40 ilə 70 dərəcə Selsi arasında həddindən artıq temperatura səbəb olacaq. İnsanlar və bir çox heyvan növləri belə istiyə uyğunlaşa bilməyəcəklər.

Proqnozlar göstərir ki, quru kütləsinin yalnız 8-16 faizi yaşayış üçün yararlı olacaq.

Alimlər mövcud iqlim problemlərinin həllinin vacibliyini vurğulayırlar. Bugünkü iqlim böhranı artıq insan sağlamlığına ciddi zərbə vurur.

Təsvir edilən ssenarilər 250 milyon il bundan sonraya aid olsa da, tədqiqatçılar hazırkı addımların gələcək nəsillər üçün yarada biləcəyi nəticələrə diqqət yetiriblər. Yəni belə davam etsə, planetin yeni sakinlərini yaxşı heç nə gözləməyəcək.