38 nömrəli poliklinikada olan vəziyyət görənləri dəhşətə gətirdi | Rəsmi açıqlama

Xətai rayonunda yerləşən 38 saylı şəhər poliklinikasındakı görüntülər sosial şəbəkədə müzakirə mövzusuna çevrilib.

Məlumatda poliklinikadakı həkim otağının tavanının çökdüyü deyilir.

Bəs deyilənlər həqiqəti nə dərəcədə əks etdirir?

Tibb ocağının rəhbərliyi məsələyə aydınlıq gətirib. Baş həkimin müavini Aydın Həsənov bildirib ki, poliklinika yaşayış binasının birinci mərtəbəsində yerləşdiyinə görə dəfələrlə otaqlara suaxıtma hadisəsi olub:

“Sözügedən kabinetə də bir neçə dəfə su axıdılıb, təmir aparılıb. Bir aya yaxındır ki, poliklinikada əsaslı təmir işləri gedir”.

Sakinlərin sözlərinə görə, tibb məntəqəsinin tək çatışmayan nüansı tavanı olmayan həkim otağı deyil, digər məqamlar da var:

“Şəkər xəstəsi bura gəlir, xəstəliyini daha da artırıb gedir. Milçəkdən dayanmaq olmur, orada ancaq virusa yoluxursan”.