Alim Qarabağa ayrılan 92 min manatı mənimsəyib

Azərbaycan Milli Elmlər Akademiyasının Arxeologiya, Etnoqrafiya və Antropologiya İnstitutunun sabiq əməkdaşları tarixçi alim Səbuhi Hüseynov və həyat yoldaşı Gülüstan İsayeva cinayət məsuliyyətinə cəlb olunub.

Məlumata görə, Səbuhi Hüseynov vəzifəsindən sui-istifadə edərək Qarabağın işğaldan azad olunan ərazilərində tədqiqat aparılması üçün ayrılmış külli miqdarda vəsaiti mənimsəyib.

İddialarla bağlı təqsirləndirilən Səbuhi Hüseynov Baku TV-yə açıqlamasında heç bir ittihamı qəbul etmədiyini deyib.

İddia olunur ki, cinayət əməlində ona institutun kadrlar şöbəsinin müdiri işləmiş həyat yoldaşı Gülüstan İsayeva köməklik göstərib. Onlar nə az, nə çox 92 min manat mənimsəmədə ittiham olunur.