Aparıcı şoka düşdü | 50 il geridə qalan bu kənddə nələr baş verir? - KƏNDİNƏ QAYIT

“Kəndinə qayıt” verilişinin yeni buraxılışında Qubanın Buduq kəndinə səyahət edilib.

1890-cı ildə 3590 nəfərin yaşadığı bu kənddə hazırda 8-10 ailə var. Tarixə nəzər saldıqda Buduq sakinlərinin az olmasının bir sıra səbəblərinin olduğunu görürük.

Belə ki, ermənilərin Qubada törətdiyi soyqırımı, Böyük Vətən müharibəsi və SSRİ-nin dağılması ilə müstəqillik dövrünün əvvəlində rastlaşdığımız çətinliklər buduqluları kəndlərindən didərgin salıb.

Buduğun problemlərindən söz açan kənd sakini Elnur Cabbarov bildirib ki, burada qaz olmadığı üçün yanacaq kimi peyindən istifadə edirlər.

“Kənddə internet xətti də yoxdur. Özüm burada doğulub böyümüşəm. Təhsil aldıqdan sonra kəndimə qayıdıb insanlarımıza xidmət edirəm. Buduqda məktəb 4 illikdir. Buna görə başqa kənddə ev almışam ki, uşaqlarım təhsillərinə orada davam etsinlər. Burada vəziyyət çox acınacaqlıdır”, ‒ deyə o bildirib.