Artıq çəkidən qurtulmağa çalışmaq hansı orqanları sıradan çıxara bilər?

Bir çoxumuz bayramlardan əvvəl tez şəkildə arıqlamağa çalışır, axşam yeməyindən imtina edir və qəlyanaltıların sayını azaldırıq. Ancaq tez-tez belə ciddi məhdudiyyətlərdən sonra artıq çəki nəinki geri qayıdır, həm də sağlamlıq problemləri yaranır.

Bu barədə rusiyalı həkim, endokrinoloq Raisa Dementyeva açıqlama verib.

"İnsan orqanizminin karbohidratlara çox ehtiyacı var. Biz bu karbohidratları qəbul etmədikdə qaraciyər tam gücü ilə işləyir. Əgər belə bir superyüklənmə uzun müddət davam edərsə, qaraciyər zamanla orqanizmin, əslində, nə qədər karbohidratlara ehtiyacı olduğunu "hiss etməyi" dayandırır və lazım olduğundan daha çox ifraz etməyə başlayır", ‒ deyə Raisa bildirib.

Mütəxəssisin sözlərinə görə, qeyri-müntəzəm qidalanma və ekstremal diyetlər halında öd kisəsi də əziyyət çəkir. Safra, yəni öd qalınlaşır və zamanla içində daşlar əmələ gələ bilir.

Həkim həmçinin qeyd edib ki, psixofiziki yüklənməyə sərf olunmayan artıq ifraz olunmuş karbohidratlar yağ şəklində yığılmağa başlayır. Buradan da artıq çəki və həzm sisteminin xəstəlikləri ortaya çıxır.