Azərbaycan tarixinin silinməz yarası

1993-cü ildə baş verən Gəncə hadisələri yarıtmaz siyasətin və idarəçilikdə meydana gələn dərəbəyliyin, pərakəndə idarəetmənin göstəricisi idi.

Sözügedən dövrdə hakim komandada olan rəhbər şəxslərin hakimiyyəti şəxsi məqsədləri üçün istifadə etməsi 4 iyun qiyamına gətirib çıxarmışdı. Hətta həmin vaxt Azərbaycan dövlət müstəqilliyini itirməyə belə yaxın idi. Lakin məhz ulu öndər Heydər Əliyevin qayıdışı ölkəni təhlükənin caynağından xilas etdi.

4 iyun hadisələri həm də hakimiyyətin qətiyyətsizliyinin əyani sübutu idi. Çünki AXC-Müsavat cütlüyü dövlətçiliyi qorumaq əvəzinə, ölkəni talayır, xəyanətlərə göz yumurdu. Yalnız Heydər Əliyev faktoru bu pərakəndliyi aradan qaldırdı, ölkəni müstəqilliyini itirməkdən xilas etdi.

Bir sözlə, ulu öndərin xilaskarlıq missiyası Azərbaycanı fəlakətdən qurtarıb, inkişaf yoluna yönəltdi. Bu gün onun siyasi kursunu layiqincə davam etdirən Prezident İlham Əliyev isə ölkəni qüdrətli dövlətə çevirib, ata vəsiyyətini yerinə yetirərək ərazi bütövlüyümüzü bərpa edib.