Azərbaycanda mətbuat sahəsində atılan addımlar | Əhməd İsmayılovdan açıqlamalar
Azərbaycanın sürətli inkişafı ilə dünyadakı lider mövqeyinin güclənməsi medianın gündəmini də zənginləşdirir.
Bunu Medianın İnkişafı Agentliyinin (MEDİA) icraçı direktoru Əhməd İsmayılov iyulun 8-də Bakıda “Medianın inkişafında Ümummilli Lider Heydər Əliyevin rolu” adlı konfransda deyib.
Onun sözlərinə görə, bununla həm də media öz işini ölkənin dinamik inkişaf tempinə uyğun qurmağa sövq edir:
“Medianın peşəkarlığının artırılması, iqtisadi dayaqlarının gücləndirilməsi Azərbaycan dövlətinin bütün inkişaf mərhələlərində informasiya siyasətinin prioritetlərindəndir.
“Azərbaycan milli mətbuatının 150 illik yubileyinin keçirilməsi haqqında” Prezidentin Sərəncamında göstərildiyi kimi, Vətən müharibəsində qələbəmizdən az sonra başlanan islahatlar, o cümlədən “Media haqqında” Qanunun qəbul edilməsi media fəaliyyətinin rəqəmsal dövrün çağırışlarına uyğunlaşdırılmasını və ölkəmizin informasiya mühitinin sağlamlaşdırılmasını hədəfləyib”.
MEDİA-nın icraçı direktoru bildirib ki, vergi azadolmalarının tətbiqi, qəzet və jurnallar üçün əlavə dəyər vergisinin aradan qaldırılması, jurnalistlərə güzəştli ipoteka kreditindən yararlanmaq imkanının verilməsi və digər tədbirlər informasiya resurslarının iqtisadi müstəqilliyinin gücləndirilməsi və jurnalistlərin sosial müdafiəsinin yaxşılaşdırılması istiqamətində görülən işlərin davamlılığını təmin edib:
“Bu gün mediamız Azərbaycanın tərəqqisinin və müasir cəmiyyət quruculuğu prosesinin fəal iştirakçısı olaraq beynəlxalq əlaqələrini və qlobal informasiya məkanında təsir imkanlarını genişləndirib, rəqabət qabiliyyətini artırıb”.
#Medianın İnkişafı Agentliyi teqi istifadə olunub
- Azərbaycanda yeni qurum yaradılacaq | Regionun üç gücü eyni cəbhədə - YENİ BİR SƏHƏR
- Bakı ilə Paris arasında media cəbhəsində yaşanan son gərginlik - Baku TV CANLI
- Gənc media nümayəndələri üçün yeni sessiya başladı: Layihənin əsas məqsədi nədir? - Baku TV
- “Prezident İlham Əliyevin sülh strategiyası sabitliyin qarantıdır” mövzusunda dəyirmi masa - Baku TV
- "İctimai proseslər media müstəvisində" | MEDİA-nın təşkilatçılığı ilə III forum keçirildi - Baku TV
