Azərbaycanın UNESCO-ya daxil edilən tarixi kompleksləri | Qumral Əsədovadan açıqlama

“İyulun 11-də UNESCO-nun Parisdə keçirilən 47-ci sessiyasında Azərbaycan tərəfindən təqdim olunmuş “Qədim Qəbələ şəhəri” və “Gəmiqaya və Göygöl Tarixi-Mədəni və Təbii Kompleksi” Dünya İrsinin İlkin Siyahısına daxil edilib”.

Bu barədə Naxçıvan Muxtar Respublikası Mədəniyyət Nazirliyi Aparatının əməkdaşı Qumral Əsədova jurnalistlərə müsahibəsində deyib.

Onun sözlərinə görə, “Qədim Qəbələ şəhəri” və “Gəmiqaya və Göygöl Tarixi-Mədəni və Təbii Kompleksi”nin UNESCO-nun Dünya İrsinin İlkin Siyahısına daxil edilməsi Azərbaycanın mədəni irsinin dünya səviyyəsində tanıdılması baxımından mühüm addımdır.

“Gəmiqaya və Göygöl Tarixi-Mədəni və Təbii Kompleksi”nin UNESCO-nun Dünya İrsinin Əsas Siyahısına salınması məqsədilə burada tədqiqatlar, beynəlxalq əməkdaşlıqlar və mədəni irsin qorunmasına dair zəruri tədbirlər davam etdiriləcək”, − deyə Qumral Əsədova bildirib.