Baha alırıq, baha da satırıq | Mal ətinin bahalaşması ilə bağlı satıcılar danışdı

Dövlət Statistika Komitəsinin məlumatına görə, 2024-cü ilin təkcə sentyabr ayında ət və ət məhsullarının qiyməti əvvəlki ayla müqayisədə 2 faizə yaxın artıb.

Satıcıların sözlərinə görə, əvvəllər əti rayonlardan alanda ucuz başa gəldiyi üçün qiyməti də aşağı idi. Hazırda isə əti baha aldıqları üçün qiymətlər artıb:

“Sümüklü mal ətinin qiyməti 15 manatdır. Əvvəl isə 13 manat 50 qəpik, 14 manata satırdıq”.

İqtisadçı Rəşad Həsənov qeyd edib ki, il ərzində idxal olunan mal ətinin həcmi 78 faiz artıb:

“Bu isə öz növbəsində dünya bazarlarında mal ətinin qiymətində olan dəyişikliklərin daxili bazara da təsirinə gətirib çıxarıb. Digər xərclərin, yəni həm yemin, həm də aralıq istehlak məhsullarının qiymətində olan artımlar da buna təsir göstərir”.

Ekspertin sözlərinə görə, sentyabr ayından toy mövsümünün başlaması mal ətinə tələbatı artırıb. Bu da bahalaşmaya şərait yaradıb.