“Çatdıra bilmirəm, bunların sabahı var axı!” | Zabratdakı bağça ilə bağlı dəhşətə gətirən iddia
Yeniliklərdən dərhal xəbərdar olun
Bakının Sabunçu rayonu, Zabrat qəsəbəsində yerləşən 260 saylı körpələr evi-uşaq bağçasında istilik problemi yaşanır.
Baku TV-nin qaynar xəttinə müraciət edən valideynlərin sözlərinə görə, bağçada istilik sistemi işləmədiyindən otaqlar soyuq olur. Bu isə azyaşlı uşaqların sağlamlığı ilə bağlı narahatlıq yaradır.
“Uşaqlar buz kimi otaqlarda otururlar, tez-tez xəstələnir, dərman qəbul etməli olurlar. Evdə o qədər dərman var ki, artıq çatdıra bilmirəm. Dəfələrlə şikayət etsək də, problem həll olunmur”, – deyə valideynlərdən biri qeyd edib.
Bağçadan isə bildirilib ki, istiliklə bağlı yaranmış vəziyyət barədə Bakı Şəhəri üzrə Təhsil İdarəsinə və qaz təchizatı qurumuna məlumat verilib, hazırda cavab gözlənilir. Qeyd olunub ki, bağçada istilik noyabrın 11-dən etibarən yoxdur.
Məsələ ilə bağlı Elm və Təhsil Nazirliyindən bildirilib ki, 260 saylı körpələr evi-uşaq bağçasının qaz sayğacında yaranmış problem səbəbindən istilik təminatında fasilə yaranıb. Problemin aradan qaldırılması üçün aidiyyəti qurumlara müraciət olunub.
#Zabrat teqi istifadə olunub
- Suyun qarşısını taxta parçaları ilə bağladılar, amma... | Zabrat sakinləri çıxılmaz halda - Baku TV
- Zabratda kanalizasiya problemi yenidən gündəmdə
- Piyadaların həyatını təhlükəyə atan kəsişmə | Zabrat yolunda nə baş verir? - NECƏ OLMALIDIR?
- Zabratda açıq ərazidə yanğın | FHN hadisə yerində
- Zabratda qumbara aşkar edildi
