“Vəhşidirlər, uşaqların günü qara olub!” - Şəhid ailələri, qazilər dəhşətli vəziyyətdən şikayətləndi
Yeniliklərdən dərhal xəbərdar olun
Şəkinin Çeşməli kəndində şəhid ailələri və qazilər üçün inşa edilən yaşayış məhəlləsindəki 10 binada hazırda 40 ailə yaşayır.
Baku TV-nin qaynar xəttinə müraciət edən sakinlər ərazidə abadlıq işlərinin aparılmadığını və mənzillərə köçdükdən sonra bir sıra problemlərlə üzləşdiklərini bildiriblər.
“Hər yer səhralıq, kolluqdur, vəhşi heyvanlar var. Uşaqlar çölə çıxa bilmir, günü qaradır hamısının”, – sakinlərdən biri deyib.
Digər sakin isə ərazidə asfalt örtüyünün, uşaqlar üçün oyun meydançasının və istirahət üçün şəraitin olmadığını bildirib. Onun sözlərinə görə, yağışlı havalarda həyət gölməçələrə çevrilir, mənzillərdə isə nəmişlik yaranır.
“Avqust ayından köçmüşəm. Ərazidə asfalt deyilən bir şey yoxdur. Yağış yağanda hər yer gölməçə olur, evlər nəmişlik içindədir. Hamımızın körpə balaları, yaşlı anaları, bacıları var. Uşaqların oynamağa bir yeri yoxdur. Heç oturmaq üçün bir stol da qoymayıblar. Bəlkə də, burada 30-a yaxın azyaşlı uşaq var. Yayda bir qazi qardaşımızın övladını canavar aparırdı, zorla əlindən aldıq. Dəfələrlə müraciət etmişik. Deyirlər ki, bizim balansımızda deyil, baxarıq. Hələlik səsimizə səs verən yoxdur”, – sakin vurğulayıb.
#Şəki teqi istifadə olunub
- "Gündə biri qaçmağa çalışır" | Sakinləri bezdirən məsələ | "Ağır xəstələr bu yolda ölüb" - Baku TV
- "Bizim axırımız necə olacaq?!" | Şəkinin ucqar dağ kəndinin sakinləri problemlə üz-üzə - Baku TV
- Şəkidə ağacları qanunsuz kəsənlərə qarşı əməliyyat keçirildi - 24 SAAT
- "Meyvə ağacı qıraq yandıraq?" | Şəkinin ucqar kənd sakinləri əlacsız vəziyyətdə - Baku TV
- Qanunsuz tikinti və deformasiyaya uğrayan konstruksiya | Faciənin səbəbləri nədir? - Baku TV
