Cəmiyyət
Pleyeri seçin:
Bakı məktəbində baş verən yanğınla bağlı təfərrüatlar
Fevralın 21-də paytaxtın Xətai rayonunda yerləşən 17 nömrəli tam orta məktəbin həyətində yanğın baş verib.
Dövlət Yanğından Mühafizə Xidmətinin qüvvələri tərəfindən alovun genişlənməsinə imkan verilmədən qısa müddətdə söndürülüb. Yanğın 0,5 kvadratmetr sahəni əhatə edib, məktəbə, yaxud digər tikililərə ziyan dəyməyib.
Fövqəladə Hallar Nazirliyinin Dövlət Yanğın Nəzarəti Xidməti hadisə ilə bağlı araşdırma aparıb. Məlum olub ki, texniki işçi məktəbin rəhbərliyinin icazəsi olmadan təmizlik məqsədilə taxta qırıntılarını bir yerə toplayaraq yandırıb və bununla da yanğın təhlükəsizliyi tələblərini pozub.
Qeyd olunanlarla bağlı inzibati xəta haqqında protokol tərtib olunub, həmçinin aidiyyəti şəxslərlə yanğın təhlükəsizliyi qaydalarının təmin edilməsi istiqamətində maarifləndirici söhbət aparılıb.
Kopyalandı
Seçilmişlər
