Bakıda avtobuslar üçün daha bir xüsusi zona yaradıldı | Taksi sürücüləri narazıdır

“Gənclik Mall” və Tofiq Bəhramov adına Respublika stadionunun qarşısında marşrut avtobusları üçün xüsusi zona yaradılıb.

Sözügedən ərazi bir neçə ay əvvəl minik avtomobilləri üçün parkinq kimi istifadə olunurdu.

Azərbaycan Yerüstü Nəqliyyat Agentliyinin mətbuat katibi Tural Orucov bildirib ki, artıq “Gənclik” stansiyasının yanında müasir standartlara cavab verən nəqliyyat mübadilə mərkəzi yaradılıb:

“Tofiq Bəhramov adına Respublika stadionunun qarşısında avtobuslar üçün HUB yaradılıb. Müntəzəm marşrut avtobusları üçün dayanacaq məntəqələri quraşdırılıb, işıq dirəkləri yeniləri ilə əvəzlənib, yeni yol salınıb, yol nişanları quraşdırılıb və nişanlanma xətləri çəkilib. Avtobusların hərəkət etməsi üçün təhlükəsizlik adacığında zolaq təşkil olunub”.

Qeyd edək ki, ilkin mərhələdə nəqliyyat mübadilə mərkəzinin ərazisində gün ərzində 12 müntəzəm marşrut xətti üzrə 181 avtobus fəaliyyət göstərəcək. Bu isə o deməkdir ki, artıq avtobuslar yolun hərəkət zolağında pərakəndə dayanmayacaq və beləliklə, sıxlığın qarşısı alınacaq, eyni zamanda sərnişinlərin təhlükəsizliyi təmin ediləcək.