Bakıda küçəyə atılan 85 yaşlı qadın başına gələnlərdən danışdı

Baku TV-nin qaynar xəttinə paytaxtın Xətai rayonunda 85 yaşlı qadının küçədə gecələməsi barədə məlumat daxil olub.

Baku TV-nin əməkdaşları vətəndaşların müraciəti əsasında sözügedən ünvana gedərək qadınla həmsöhbət olub, ona kömək etməyə çalışıblar.

Yaşlı qadın oğlu tərəfindən döyüldüyünü, küçəyə atıldığını iddia edib:

“İki oğlum və yoldaşım rəhmətə gedib. İlham sonbeşikdir, Qarabağda döyüşlərdə iştirak edib. Bu gün səhər məni döydü, kürəyimi mətbəxin qapısına vurdu. Qulağımı cırdı, yumruqla başıma vurdu. Səhər açılan kimi polisə şikayət edəcəyəm”.